Stai navigando quest'area:

Tzitàde e Territòriu

» Sa Fèra

In su territòriu de Ollasta sa fèra est rapresentada de sirbonis, margianis, martoras, pisitus arèstis, achìladoris de sa die e de su notti cummenti: sa stria, su storittu, s’iltría, su spadhèri.

In sa mraga mediterranea de s’Aba Padenti podeus agattai S’ Agruòe Sarda (Columbu Palumbus) , su Trudu, sa Pedrixi, sa maùrra, totus animabis ciccaus in s’ istgioni de cassa.

Me is logus prus in basciu ddui funt conillus, lepiris, aritzonis e su bucamèli.

Sa manna cantidadi de fòssilis( 2000-3000 annus faidi)  funt a testimòngiu  de sa presentzia de mammiferus calli cérbus e cabriòlus chi immmoi funt isparèssius.

Fintzas de is tempus antigus s’economia pastoràli at gosau de una terra  manna asubaelevada, fintzas oe pascint  caprinus,ovinus,  boinus, berbescinus e porcinus chi si podint atobiai in su sattu de sa Giara. 

 

Pesàus in sa mannera traditzionàlli, donant prodotus naturàlis bellus meda e regallànta saboris antigus, mancai siant destinaus a isparèssi siat poita su guadangiu non est meda siat poita is fillus non sighint prus is babbus.

 

Intra de is animebis arèstis funt isparèssius cummenti giai eus nau cérbus, cabriòlus e mufrònis, sempri prus mèdas funt is pisitus arèstis sardus, e s’ibbírru sardu, candu me is annus 80 ant arriscàu su mortixinàu a càusa de sa cassa de sfròsu.
In su 1992 sa Giara est essida unu parcu de protetzioni de fèras, innui est bandida in totu s’attividadi de cassa innui podint bivi giai 93 zenía de vertebraus, su 50 po centu de sa súma sarda., cumpaltíus in 14 zenías mammiferus, 11 de arrasías, 64 de pillonis e 4 de anfíbbius (h.Shenk 1989).