Ollasta, posta a is peis de sa Giara est unu centru chi contat prus pagu de 300 abitantis de sa Provintzìa de Aristanis.

Sa bidda fadiat parti de su Giudicau de Arborea.

S’antigu nomini de sa biddixedda, Ollasta, est istadu cambiadu in cussu chi tenit immoi, pro resaltài s’acàpiu chi tenit sa bidda cun sa Giara; Albagiara , mancai genti meda da tzerridi ancora cun su nomini antigu.

Ollasta est unu nomini arrícu de símbolismu: bidda de is obías, chi est símbolu de paxi. Ollu símbolu de cusacratzione e de mitesa.

E fintzas Albagiara tenit unu significàdu forti meda: de sa giara nascit su sobi, sa die e s’isperantzia de vida.

Non si scit meda de s’istoria de Ollasta cand’est nascia? S’ iscerant, ispaniaus in su territòriu, medas nuraxis, singularis costrutzionis megaliticas, chi faint pentzai a un’origini pre-romana. De s’edadi Romana n’ddi funt a testimòngiu quattrus istatzionis innoi funt istadas agatadas tumbas cun aintru froniméntus e atrus restus de murallas, de pedras e fintzas medas rogallas de strexus de terra.

Funt istadas agatàdas fintzas medas monèdas e un’istatuedda de brùnzu de Agrippina.

In Sardigna esistintiant dus Villagius e una curadoria chi si tzerrianta cun custu nomini:

1. Sa curadoria chi est denominada Ogliastra, est cussa chi fintzas a su 1927 teniat sedi in sa bidda de Tortolì e chi cun sa bolla pontificia de su 15 de mesi de lamparas at tentu sa noba sedi in sa bidda de Lanusei.

2. I dus Villagius funt Ollasta-Usellus e Ollasta-Simaxis. Sa bidda fiat parti de sa curadoria de Abas e fiat divididat in quattru bixinàdus:

_ Santu Pedru;

_ Planu-Ibba,

_ Pinna fiscura;

_ Su Forraxi.

3. Sa prima borta chi agattaus su nomini de Ollasta est in su libru de is decimas pontificias de su 1341, innoi fiat tzerriada Ocliastra et Funtana sibbàstat pro callinc’una mitza antiga.

Su prus becciu registru chi s’agatàt, Su libru de “La iglesia” de Santu Pedru de Ulastra de Useddus, cummintzat su 10 de Austu candu fiat canonicu Andrea Loy. Cummenti si podit biri sa cresia fiat cussa de Santu Pedru cussa de Santu Srabastianu non esistiat ancora.

Is terras chi fiant de sa cresia de Santu pedru s’agatant me is istatzionis chi sighint innoi a basciu:

_ Su bau de s’ilixi;

_ Sa pira de nysi chiloni;

_ Is campus;

_ Sa funtana de su linabru;

_ Satu de pala mestia,

_ Cùcuru de Scovedu, Pranu Ibba;

_ Is corrias de bruncu Olìas;

_ Sa scala de crafai;

_ Santa Barbara;

_ Planu de mèndulas;

_ Is prunas;

_ Nuraxi Serci;

_ Sa bingia de Sisinni Misas;

_ Is corrias de Serra;

_ Santu Perdu Becciu;

_ Sa pira Roma;

_ Santu Giorgi;

_ Corrìas longas;

_ Cadèda;

_ Su forraxi;

_ Su cungiadeddu de Donnu Domigu Piga;

_ S’Argiola de Planu;

_ Su Pirastu.

Custas terras aradas a trigu o a fà pro contu de sa cresia, o fintzas donadas in allócu e in parti trabàlladasa a roadìa. Su guadangiu fiat postu pro arrangiai sa cresia o pro comparài paramentus nous.

Is òminis prus importanti de s’autorìdade de sa cresia e in s’amministratzioni cosa sua fiant istadus: Giuliano Meli; Salvatore Loru; Antioco Piga; Nicola Mameli; Nanni Cicu; Domenico Piga.

Is canonicus prus imimportàntis de Ollasta fiant:

- Andrea Loy(1591-1598)

- Gerolamo Porcella(1600-1611).

Is dochiméntus de custu períodu donant a sa bidda de Ulastra –Useddus su sognificadu de oliàriu de sa cittadi Romana de Useddus.